Unha enfermeira galega conta a súa dura experiencia con Médicos sen Fronteiras en Gaza

A situación de extrema necesidade que se vive en Gaza contouna este luns en Santiago a enfermeira Ruth Conde, que volveu da Franxa hai unha semana. 

Conde explicou o seu labor con Médicos sen Fronteiras. Alí estivo cinco semanas, realizando atención primaria e atendendo nacementos nunha situación que desborda os máis veteranos coma ela, maiormente en Rafah.

Sen medicamentos, con pacientes desnutridos, bebés sen vacinar e condicións hixiénicas deplorables nos campos de desprazados... e unha cidadanía atrapada e cada vez máis desesperada.