Unha explosión nun edificio da Coruña deixa un ferido

Unha explosión nun piso dos Castros deixa un ferido na Coruña. Foi tal a forza do estourido, que unha fiestra da vivenda saltou polos aires batendo nun coche que estaba en circulación. 

O suceso produciuse ás dez e media da noite mentres a familia estaba cociñando, pois o aceite que estaba no utensilio ao lume xerou unha combustión provocando fume e quedando os gases acumulados na parte superior da cociña.

Os residentes do piso tiveron que ser trasladados ao hospital. Unha muller por un ataque de ansiedade e un home por queimaduras.

Ata a zona desprazáronse efectivos da Policía Local e dos bombeiros da Coruña.

A Policía Científica investiga para esclarecer o sucedido.