Sete feridos por unha explosión de gas nun edificio de Noáin (Navarra)
Sete feridos por unha explosión de gas nun edificio de Noáin (Navarra)
Cinco persoas foron trasladadas ao hospital e dúas a un centro de saúde
Estableceuse dispositivo de seguridade tras unha primeira explosión sen feridos e logo produciuse unha segunda que esnaquizou parte das vivendas
Vivendas afectadas pola explosión en Noáin. Bombeiros de Navarra
Unha forte explosión nunhas vivendas da rúa Zabalegui de Noáin (Navarra) ocasionou feridas a varias persoas. Cinco delas foron trasladadas ao hospital e dous a un centro de saúde, segundo informa o 112-SOS Navarra.
Segundo informaron fontes policiais a EFE, a explosión produciuse ás 18:00 horas e puido afectar a entre 10 e 15 vivendas.
A Policía Foral establecera un dispositivo de seguridade por unha fuga de gas e a explosión da caldeira nunha vivenda ás 15:35 horas deste luns, que non causou feridos e si "escasos danos materiais". Posteriormente houbo unha segunda explosión que esnaquizou parte do edificio de vivendas acaroadas.
Na zona atópanse efectivos de bombeiros, ambulancias, Policía Local e Policía Foral.
