Unha persoa recoñeceu o veciño de Friol que falta da casa desde o domingo

A busca do veciño de Friol de 80 anos que falta da súa casa céntrase agora na parroquia de Condes. Unha persoa recoñeceuno preto deste lugar, distante oito quilómetros de onde apareceu o seu coche.

Na busca colaboran membros do Grupo de Emerxencias Supramunicipais e de Protección Civil de Friol, xunto con persoal do Concello, veciños e cazadores. Un amplo dispositivo para cubrir toda a zona.

A  familia denunciou a desaparición deste home, de 80 anos, logo de que non regresase á casa o domingo pasado.

O dispositivo de busca continúa. Coordinado pola Garda Civil tamén inclúe a vixilancia con drons.