Unicef pide ás administracións máis recursos para coidar da saúde mental dos adolescentes

O último informe de Unicef alerta de que 1 de cada 7 adolescentes no mundo sofre algún problema de saúde mental diagnosticado. Un problema que se agudizou debido á pandemia.

Unicef reclama ás administracións recursos para garantir unha atención especial ás necesidades dos menores.

María Lafuente, especialista en política de infancia de Unicef, di que os problemas de saúde mental e o malestar emocional en xeral son causa de sufrimento en nenos e nenas, e que afecta a súa saúde, educación e, en xeral impide que desenvolvan todo o seu potencial.