Preocupación en Grecia e Italia pola vaga de calor extrema que azouta Europa
Preocupación en Grecia e Italia pola vaga de calor extrema que azouta Europa
Bombeiros de once países axudarán a Grecia na loita contra os incendios forestais
Un anticiclón que leva o nome de Cérbero é o culpable directo desta vaga de calor extrema que afecta de xeito especialmente grave a Grecia, aínda que os especialistas lembran que o cambio climático é o responsable último de boa parte destes fenómenos meteorolóxicos.
Máis de 46 graos
Grecia en xeral, e Atenas en particular, prepáranse para soportar dúas semanas de temperaturas por riba dos 40 graos, e que poden chegar aos 46 graos nalgúns lugares do sur do país.
As autoridades gregas din que a calor e a seca favorecen os incendios forestais, algúns dos cales xa arrasan zonas de Atenas, do Peloponeso ou da illa de Rodas. Os bombeiros gregos contarán co apoio de colegas e medios antiincendios de once países.
Altas temperaturas e sarabia
Outro lugar europeo cunha situación meteorolóxica preocupante é Italia, onde capitais coma Roma, Palermo, Nápoles ou Pescara están en alerta vermella pola calor extrema, con temperaturas que poderán superar os 40 graos por quinto día consecutivo.
E ao mesmo tempo, o norte de Italia segue sufrindo un forte temporal de sarabia, chuvia e ventos de ata 140 quilómetros por hora.
Vítimas da calor extrema
