Vigo esperta coñecendo a letra do novo himno
Vigo esperta coñecendo a letra do novo himno
Hoxe ás 20.00 será a preestrea no teatro Afundación
Fai 2 días C. Tangana subía as súas redes un adianto do himno do Centenario do RC Celta, agora xa se coñece a letra que se berrará nas gradas esta tempada.
"Creo que estou namorado, dos teus dous ollos azuis, son como da cor do ceo, cando se apartan as nubes".
Vigo espertou cunha lona xigante que cubría o lateral do centro comercial A Laxe e que permitiu a todas as persoas que camiñaban pola zona descubrir unha parte moi importante do novo himno Oliveira dos cen anos. 1923-2023.
Despois de tantas filtracións por redes sociais do suposto himno, esta noite ás 20.00 realizarase no teatro Afundación a preestrea da tan ansiada obra producida por C. Tangana. Mañá todo o público podrá desfrutar da versión final que tanto espera a afección celeste e que tanto se escoitará en Balaídos.
