Vodafone España alerta dunha fraude que suplanta a súa identidade para que os clientes muden de operador

A compañía Vodafone España alerta de que varios dos seus clientes están a recibir chamadas fraudulentas en que se fan pasar pola empresa e lles ofertan aos usuarios unha tarifa e condicións coa idea de que muden de operador e poder obter así os seus datos persoais e bancarios.

"Esta fraude incorpora unha chamada na que unha suposta operadora da competencia propón mellores condicións que as da súa tarifa actual", destaca a empresa nun comunicado. Vodafone recomenda desconfiar deste tipo de chamadas, xa que normalmente as actualizacións de prezos fanse por factura ou SMS.

En caso de dúbida, a operadora aconsella ao usuarios contactar co servizo de atención ao cliente a través da aplicación móbil Mi Vodafone, WhatsApp, teléfono ou acercándose a unha das tendas físicas máis próximas.

Os clientes que sufriran as consecuencias destas estafas poderán denuncialo ao grupo de delitos telemáticos da Garda Civil, á Brigada de Investigación Tecnolóxica (BIT) da Policía Nacional ou a calquera outra autoridade competente, xa sexa online ou presencialmente.