Volve a Feira Franca de Pontevedra tras dous anos sen celebrarse
Volve a Feira Franca de Pontevedra tras dous anos sen celebrarse
A organización estima unha asistencia de 100.000 persoas
Pontevedra celebra este sábado unha das celebracións medievais máis concorridas de Galicia. A organización agarda que participen no evento unhas 100.000 persoas.
A Feira Franca ten ademais a consideración de festa de interese turístico de Galicia desde 2013. Visitantes e residentes devecían pola volta da festa logo de dous anos sen ela.
Raíñas, princesas, frades, mesoneiras, trasgos ou templarios regresaron ás rúas da Boa Vila para conmemorar o privilexio que Enrique IV lle concedeu durante un mes para celebrar unha feira sen impostos, unha feira franca.
A troula continúa durante todo o día con xantares, cetrería, tiro ao arco, xigantes, grupos musicais, cantares de cego e un gran torneo medieval, con entrada de balde, que se celebra na praza de touros.
