Vox vaise querelar contra Sánchez por homicidio imprudente e omisión do deber do socorro pola DINA

O líder de Vox, Santiago Abascal, anunciou este mércores que o seu partido presentará unha querela criminal contra o presidente do Goberno, Pedro Sánchez, e outros membros do seu gabinete por delitos de homicidio imprudente e omisión do deber de socorro tras a DINA.

Abascal fixo este anuncio nunha declaración pública sen presenza de medios de comunicación tras unha reunión de traballo da dirección do seu partido sobre as consecuencias da riada.

Segundo dixo, declarar a emerxencia nacional "non era unha opción, era un deber inescusable e ineludible e, de maneira consciente, non o fixeron". "Agora terán que pagar por iso", advertiu.