Xa se poden solicitar as axudas para rehabilitar vivendas destinadas ao alugueiro

Desde hoxe, e ata o 3 de novembro, xa se poden solicitar as axudas para rehabilitar vivendas que se destinen ao alugueiro. As achegas van desde os 3.000 aos 8.000 euros. O importe a recibir dependerá do concello no que estea o inmobre e a renda que se vaia cobrar.

Ás subvencións poderán acollerse obras realizadas entre o 3 de outubro do ano pasado e que se finalicen sen exceder a data do 30 de abril de 2024. Serán compatibles con outras axudas á rehabilitación doutras administracións. 

Para ter acceso a estas axudas, a vivenda para a que se solicitan ten que estar incorporada ao Programa de Mobilización de Vivendas de Alugueiro da Xunta.