Xornada chave para os galegos na loita pola salvación na Liga ACB

O breoganismo viaxou cara a Granada coma se fose un exército de salvamento. A misión: apoiar o equipo nun partido decisivo de cara a súa permanencia na Liga ACB.

Os afeccionados xa tomaron a cidade a pasada noite cos seus cánticos e agora pretenden facer o mesmo co Pazo Municipal.

Mrsic, pola súa parte, anima os xogadores a perde-lo medo a gañar tras as dúas últimas derrotas no treito final.

Mentres tanto, o Obradoiro enfróntase mañá en Madrid o actual campión de Europa, co obxectivo de rozar a perfección para sorprendelo, consciente de que non será un xogo de nenos.

Unha vitoria dos dous equipos galegos suporíalles un salto xigante para a permanencia.