Xunta e Ministerio discrepan no acordo de paro da actividade de Alcoa San Cibrao
Xunta e Ministerio discrepan no acordo de paro da actividade de Alcoa San Cibrao
Só concordan na necesidade e desexo de que a factoría de aluminio reactive a súa actividade antes dos dous anos previstos.
Primeira xuntanza da comisión de seguimento do acordo de Alcoa en Santiago.
Primeira reunión da comisión de seguimento do acordo de Alcoa. A comisión de seguimento nace co obxectivo de controlar e vixiar que Alcoa cumpra cos compromisos que acaba de adquirir a cambio de paralizar a produción da factoría de San Cibrao durante dous anos, como solicitaba e reclamaba a compañía estadounidense.
Esa primeira reunión celebrouse aquí no hostal dos Reis Católicos, no Parador de Santiago. Nesa reunión estiveron, de xeito telemático, os representantes dos traballadores. Para eles hoxe non é un día de celebracións, insisten en que non é unha boa saída, pero consideran que é a solución menos mala.
Tamén nesa comisión está representado o ministerio de Industria. Desde aquí, desde Santiago, a ministra Reyes Maroto aseguraba que o acordo non lle gusta pero considera, tamén, que é a solución menos mala.
A ministra critica que a Xunta se poña, dixo literalmente, de perfil e non asuma responsabilidades na crise de Alcoa. Por parte a administración galega tamén hai tensión co ministerio. Francisco Conde di que non hai nada que celebrar e critica que o goberno de Pedro Sánchez non logre un prezo xusto para a enerxía.
