Carlos Negro: "Traducións que nos poñen os pés na terra, os ollos nas estrelas e abren o corazón"

Case sempre falamos de libros publicados orixinalmente en galego, aínda que, si, ás veces, tamén falamos de tradución. Pero hoxe Carlos quere falarnos precisamente do valor das traducións con tres novidades de tres editoriais: Xeórxicas, de Virxilio, traducido por Lucía Gómez Fariña para Rinoceronte; Orbital, de Samantha Harvey, traducido por Juan Manuel do Río, para Rodolfo e Priscila, e Carta ao pai, de Franz Kafka, traducido por David Ángel Álvarez Martínez para Irmáns Cartoné.