Cargando resultados...
Daniel Salgado: "Na miña escrita tento que quede constancia das nosas responsabilidades"
Daniel Salgado: "Na miña escrita tento que quede constancia das nosas responsabilidades"
'Poemas realistas', o novo poemario de Salgado publicado por Apiario, quere achegar ao poema a confusión da existencia
Explora as posibilidades do poema como testemuña dunha época ou a devoración dunha época que impón o poema
G24.gal
21/01/2025 14:50
Última actualización 21/01/2025 16:30
"Non hai elección posible, hai sangue e lama e, malia todo, onde estea a mazaira vella, aí, finalmente estará a nosa fráxil condición política".
A nosa fráxil condición política, os complexos bordos da vida, o poema que quere chegar máis alá da palabra, están no novo libro do xornalista e poeta, Daniel Salgado.
Hoxe conversamos con el sobre os seus 'Poemas realistas', unha obra que nos pregunta e nos responde nun momento en que a noite se deita sobre occidente e a nós pésanos a pel.
