Furada, Traspielas e a nova xira de Sheila Patricia nas músicas de Marta Gómez
Laboratorio Sonoro é a nova xira de Sheila Patricia, baseada na improvisación musical
Traspielas, unha banda de 'all star' para homenaxear as veciñas dese lugar do concello de Fornelos
Furada, dark punk dende Crecente que pon música a un poema de Xela Arias
Sheila Patricia xira co novo espectáculo 'Laboratorio sonoro'. É un proxecto unipersoal onde a electrónica, voz, guitarra e pandeireta entrelázanse en cada concerto para facelo único e irrepetible.
En Traspielas converxen músicos como Su Garrido Pombo a voz, Macarena Montesinos ao chelo, Iago Ramil ao saxo, Marco Maril á electrónica e Fran Rodríguez ás visuais. Levan a contemporaneidade coplas recollidas as veciñas de Traspielas, en Fornelo de Montes nun proxecto xurdido nas residencias artísticas de Mariñán.
Furada é un novo dúo de punk escuro formado por Adrián R. Rodríguez e Pablo G. Portas. O seu electro pop leva a unha dimensión un poema de Xela Arias no tema Brilar. Poderémolo escoitar en directo este sábado no Arco da Vella de Vigo.
