"Os cemiterios son museos gratuítos ao aire libre"

A escritora Emma Pedreira acaba de publicar o libro As horas mortas. Viaxes e conversas por cemiterios galegos. Baixo o selo de Baía Edicións, a obra recolle paseos por uns 200 camposantos do país en compaña de escritoras, arquiveiros, historiadoras ou enterradores. 

A autora define o volume como un "artefacto" que cose realidade, fantasía, oralidade e estudos sobre o patrimonio fúnebre. Un libro de máis de 400 páxinas que recolle a memoria social, antropolóxica, histórica e artística que gardan os camposantos, como explicou na súa visita ao Diario cultural da Radio Galega.