Paula Mayor: "Quixen afondar en todos os matices de Rosalía, como persoa e como narradora"
Rosalía oculta, de Paula Mayor, (Ed. Galaxia) gañou o Premio Castelao de Banda Deseñada 2023
A autora documentouse durante anos para tentar descubrir, nesta novela, a muller real que hai detrás da imaxe de Rosalía
Nos nove capitulos da novela, a autora escolle, de xeito fragmentario, momentos puntuais da vida de Rosalía para compoñer o relato
"Aínda non lles é permitido ás mulleres escribir o que senten e o que saben". A frase é de Rosalía de Castro cando a mediados do século XIX volvía Madrid para atopar o seu camiño como escritora nunha sociedade cultural case hermética.
É un dos episodios que relata Rosalía oculta, un cómic que mereceu o Premio Castela de Banda Deseñada.
A autora tenta debuxar parte do quebracabezas que compón a vida de Rosalía máis aló do mito, a persoa, a escritora, o seu ideario feminista, e súa loita por facerse un sito naquela socidade do mediados do século XIX. Rosalía oculta está editada por Galaxia e con ela celebramos o Día do Cómic.
