"Smoke on the water" clausura o FITO

O Festival Internacional de Teatro de Ourense, FITO, bota o pano cun espectáculo que evoca a época gloriosa do rock and roll.

Smoke on the water é o título desta obra que nos presenta unha irónica historia de amor entre Janis Joplin e o fundador de Deep Purple, coa incursión, tamén, de Joan Baez. Unha produción da compañía galega Ibuprofeno Teatro coa que se pon fin á décimo quinta edición da FITO.

Ao longo de once días pasaron pola cidade outras tantas compañías de Galicia, Portugal e a Arxentina, con especial protagonismo dos novos creadores.