A artesanía centra o mercado de Nadal de Begonte, que o domingo acolle a visita de Papá Noel

Hai obxectos de madeira, de cera, de material reciclado… e todos feitos dun xeito artístico e manual por mans expertas. No mercado de Nadal de Begonte a artesanía ten todo o protagonismo.

Hai para escoller entre case corenta postos. Predominan os obxectos inspirados no Nadal. 

Este mercado é unha oportunidade para facerse con obxectos únicos e todo un escaparate para Papá Noel, que o domingo pola tarde, e acompañado de varios motoristas, vai recibir aos pequenos na súa caseta.