A Arxentina e O Brasil decepcionan na fase de clasificación suramericana

Ambiente berrón e apupador no Paraguai. Unha caldeira a presión que tamén xoga os partidos no mítico campo dos Defensores do Chaco. Sentiu Arxentina e suma a terceira derrota na clasificación para o Mundial 2026 malia arrancar gañando con Lautaro que pateando ao arco tras recibir asistencia de Enzo Fernández. Unha entrega que tivo que ser revisada, pero que acabou sendo firme para cero a un. Xógase con canseira, paseniño, mais así e todo en vinte minutos puideron verse dous goles. O de Lautaro e o empate con chilena de Antonio Sanabria. O dianteiro do Torino armou unha pegada arrebatadora no punto de penal e a Messi non lle gustaba o cariz do xogo. Tampouco foi determinante para reviralo e no primeiro minuto do segundo tempo Paraguai sentenza a balón quieto. Alderete, o central do Xetafe, sobe a rematar e mete a cabeza a xeito para axustar ao pau destro do Dibu Martínez. Alfaro pide cabeza dende a banda e para Scaloni o importante é participar.

Venezuela tamén coqueteou coa vitoria diante do Brasil na que foi unha noite agre para o madridista Vinicius. O estremo branco quedou sen marcar e a canarinha estivo moi chata de gol. Si que define Raphinha, con golazo a balón parado cando o partido ía xa pola estrema do primeiro tempo. Pelota a bater no poste e para dentro con igualada caribeña á volta da caseta. Brasil, nunha perda grave á saída do seu campo, deixa a Venezuela xogar de toque, para acabar co coiro na coroa da área e Segovia en posición clara de xutar. O gol de empate non foi roto por Brasil nin dende os once metros cos que foi castigada Venezuela neste derrubo de Romo a Vinicius cando xa pisaba área nun ataque a veiga aberta. Erra Vincius ou para Romo? Tanto ten, empata Brasil, terceira na clasificación mundial.