A Asociación pola Defensa da Ría critica o aval do Supremo a Ence

O presidente da Asociación Pola Defensa da Ría de Pontevedra, Antón Masa, tacha de irregular a decisión do Supremo de avalar que Ence manteña a súa factoría na ría de Pontevedra. 

Di que vai claramente contra a Lei de Costas, que só permite instalar en dominio público marítimo terrestre aquelas actividades ou instalacións que pola súa natureza non poidan estar noutro lugar. E ese, segundo Masa, non é o caso de Ence, xa que o resto das pasteiras que ten na Península están noutras localizacións. Só a de Pontevedra se mantén á beira da ría.