A carreira inclusiva Runki reúne 4.000 persoas na Coruña

A carreira Runki volveu ao asfalto da Coruña para apoiar o deporte como ferramenta inclusiva. Milleiros de persoas sacaron do armario as súas capas de superheroes e completaron a proba, con final na praza de María Pita.

Levar un disfrace é o único requisito para formar parte de Runki, un proxecto nacido da ilusión do colectivo Marines Enki, que arelaba reunir nunha mesma carreira os colectivos que corren con carros de running en España.

Deporte, saúde e inclusión. Runki naceu para que este trinomio se instale definitivamente na sociedade, para que todos os que queiran colocar un dorsal e cruzar unha liña de meta poidan facelo, camiñando, correndo ou sobre rodas.  

Os cartos recadados permitirán facer realidade os soños deportivos de persoas con diversidade funcional.