A castrexa sitúa novamente a Lugo no epicentro da arte urbana

Executala levoulle catro semanas pero o resultadao parécelle moi satisfactorio, o mesmo que aos turistas que entrevistamos preguntándolles polo mural da castrexa.

Os especialistas, os profesionais do muralismo pensan o mesmo, e por iso esta obra foi seleccionada como candidata a ser o mellor graffiti do mundo do mes de xullo, seguindo o camiño do Julio César de Diego Ash, co que isto implica tanto para o autor coma para a cidade de Lugo.

Esta muller celta retratada en 350 metros cadrados, feita a base de mesturar de técnicas e estilos, coas alfaias e a vestimentas propias do seu tempo, conseguiu que, novamente, a arte urbana que se fai na cidade da muralla teña protagonismo abosluto.