A continua suba da cesta da compra pon contra as cordas ao consumidor
O útlimo que subiu foron produtos básicos coma o pan, o leite, o aceite ou os ovos
Entre 5 e 10 céntimos máis pagamos por estes produtos
A escalada de prezos na cesta da compra comezou cos produtos frescos. A suba agora xa se estende a toda a cadea alimentaria. Os ovos e o pan foron os últimos en sumarse á lista, xunto co leite e o aceite e os seus derivados.
Entre cinco e dez céntimos máis pagamos por estes produtos. Ao tratarse de produtos esenciais, o consumidor non ve forma de reaxustar o gasto.
Todos saben que detrás desta suba está o encarecemento da luz, das materias primas e que cada vez custa máis producir todo iso.
Os produtos do campo encarecen para o consumidor, pero non para o produtor, disparáronselle os gastos pero seguen cobrando o mesmo polo que producen.
