A Coruña, a catro días de comezar unha folga indefinida da recollida do lixo
A Coruña, a catro días de comezar unha folga indefinida da recollida do lixo
O sindicato da limpeza ameaza con non cumprir os servizos mínimos fixados polo Goberno local porque di que son abusivos
O lixo xa comeza a amorearse na rúa
A folga da recollida do lixo comezará en Noiteboa, pero xa dende que se convocou non deixan de sucederse incidentes. 28 camións apareceron hai uns días coas rodas picadas, e este é o aspecto que xa amosan moitos colectores da cidade.
O que poida pasar de aquí ao sábado é unha incógnita. O sindicato da limpeza ameaza con non cumprir os servizos mínimos fixados polo Goberno local porque di que son abusivos.
A alcaldesa responde que o concello estará atento para garantir o cumprimento dos servizos mínimos e a salubridade na cidade.
Tamén o comercio e a hostalería están en alerta, porque se a situación se complica, podería afectar á campaña de maior consumo do ano.
O que demandan é máis material e tamén persoal laboral. As negociacións aínda seguen abertas.
