A empresa que reforza o servizo de limpeza na Coruña recolleu 600 toneladas de lixo
A empresa que reforza o servizo de limpeza na Coruña recolleu 600 toneladas de lixo
Os colectores continúan cheos e non cesan os actos vandálicos vencellados á folga do persoal da concesionaria
Lixo amoreado nun contedor esta fin de semana na Coruña
A empresa Valoriza, que reforza o servizo de limpeza no Concello da Coruña tras decretar o pasado 22 de xullo a situación de emerxencia sanitaria, leva recollidas 606 toneladas de lixo.
Malia e todo, os colectores continúan cheos e non cesan os actos vandálicos vencellados á folga do persoal da concesionaria, Prezero, iniciada o 24 de xuño.
Desde o inicio do conflito, a empresa botou cinco empregados e abriu case un cento de expedientes disciplinarios.
O Goberno local denuncia que ningún traballador cumpre coas súas obrigas, malia que desde hai varios días tampouco secundan a folga.
O Concello levou o caso á Fiscalía, pois xa arderon 159 contedores por un valor duns 400.000 euros, noutros tres puntos a pasada noite.
