A defensa da actriz Ana Duato pide anular o seu xuízo por fraude fiscal

Segunda xornada do xuízo que se segue na Audiencia Nacional de Madrid contra unha trintena de persoas, entre eles os protagonistas da serie de televisión Cuéntame, acusados de fraude fiscal.

A defensa de Ana Duato pediu anular catro dos sete delitos supostamente cometidos pola actriz. Alega que supoñen unha acusación sorpresiva prohibida na lei, xa que Duato nunca foi interrogada sobre eles na fase de instrución.

Sobre os outros tres exercicios fiscais cuestionados, asegura a defensa da actriz que o defraudado non supera a cantidade mínima para ser considerado delito.