A economía española creceu o 2,5 % en 2023, 3,3 puntos menos que en 2022

A economía española creceu en 2023 un 2,5 %, 3,3 puntos menos respecto ao avance rexistrado en 2022, un crecemento que se sustentou na resistencia do consumo dos fogares nunha contorna de subida dos tipos de interese e no aguante das exportacións nun contexto internacional de incerteza.

Segundo os datos avanzados este martes polo Instituto Nacional de Estatística, a demanda nacional (consumo e investimento) contribuíu con 1,7 puntos ao crecemento do PIB de 2023, 1,2 puntos menos que un ano antes, mentres que a demanda externa (exportacións menos importacións) achegou 0,8 puntos, 2,1 puntos menos que en 2022.

O valor do PIB a prezos correntes para o conxunto do ano 2023 situouse en 1.462.070 millóns de euros, un 8,6 % superior ao de 2022. No cuarto trimestre, o avance económico foi do 0,6 %, dúas décimas máis que o trimestre previo, a pesar da moderación do consumo privado e grazas á recuperación das exportacións. O INE revisou os avances trimestrais do resto do ano e elevou ao 0,5 % os do primeiro e segundo trimestre e ao 0,4 % o do terceiro trimestre.

📈#España ha crecido con fuerza en 2023, un 2,5% según los datos del @es_INE, superando todas las expectativas.

🔸El #crecimiento de la economía 🇪🇸 en el último trimestre incrementó un 0,6%

🔸Se espera que seamos la gran economía de la zona euro que más crezca en 2023 y 2024 pic.twitter.com/RsHySMUlKj

— Economía, Comercio y Empresa (@_minecogob) January 30, 2024