A entrega inmediata e os prezos animan as vendas en Motor Ocasión 2023

Prezo, entrega inmediata e a indeterminación sobre o futuro dos coches eléctricos e híbridos converten un salón de vehículos de ocasión nunha feira exitosa onde se venden moitos coches. 

Hai xente que só acode á cita a contemplar modelos, pero tamén abundan as persoas que aproveitan para mercar e cambiar o seu vehículo.

Motor Ocasión, que se celebrou entre o xoves e o domingo, reuniu o stock dos concesionarios oficiais da comarca de Vigo ata un total de 1.000 vehículos.