A exconselleira catalá Clara Ponsatí, citada este luns no Tribunal Supremo

A exconselleira catalá e eurodeputada de Junts Clara Ponsatí está citada hoxe no Tribunal Supremo. Pero deu a entender que non acudirá.

Ponsatí regresou a España en marzo, tras cinco anos e medio fuxida da xustiza para evitar ser xulgada polo referendo do un de outubro.

O xuíz Llarena citouna este luns para comunicarlle que está procesada por un delito de desobediencia, que supón penas de inhabilitación. E advertiulle que se non se presenta podería ser arrestada. Ponsatí limitouse a dicir que hoxe iría traballar, como todos os luns.