A feira Semana Verde de Galicia, epicentro do sector primario esta fin de semana

A feira multisectorial por excelencia de Galicia, a Semana Verde, volve converter Silleda en epicentro do sector primario. Pero cada edición a feira destaca máis pola súa diversidade.

O certame foi evolucionando con novas propostas de ocio e novos sectores. Hai actividades multiaventuras e tamén experiencias de degustación. Para esta tarde, por exemplo, hai previstas, entre outras actividades, unha cata de aceite, probas de agility ou concurso de cabalos.

Maiores e pequenos, empresas e particulares, todos teñen o seu espazo nesta Semana Verde que dende hai 44 anos trata de ser o reflexo da comunidade galega e da evolución da cadea de valor do sector primario.