A Fiscalía investiga o incendio de Castelló que queimou 4.700 hectáreas
A Fiscalía investiga o incendio de Castelló que queimou 4.700 hectáreas
A Garda Civil xa citou a declarar catro persoas que realizaban traballos de mantemento no lugar onde se orixinaron as lapas
Efectivos da UME traballando na estinción do lume de Castelló
A Fiscalía Provincial de Castelló abriu dilixencias de investigación penal polo incendio de Villanueva de Viver, que arrasou arredor de 4.700 hectáreas de masa forestal nas comarcas do interior de Castelló e parte de Teruel e que obrigou a desaloxar preventivamente unhas 1.500 persoas.
Estas dilixencias trasladáronse a un xulgado de Segorbe, segundo confirmou o ministerio público, e estase á espera de que o Servizo de Protección da Natureza (Seprona) da Garda Civil remita a ampliación do atestado que deu orixe a esta investigación.
No marco desta investigación, a Garda Civil xa citou a declarar a catro persoas que realizaban traballos de mantemento no lugar onde se orixinaron as chamas, segundo explicou delegada do Goberno na Comunidade Valenciana, Pilar Bernabé.
