A gasolina abarata máis dun 2 %, a súa terceira semana consecutiva á baixa
A gasolina abarata máis dun 2 %, a súa terceira semana consecutiva á baixa
O gasóleo cae 1,5 % na segunda baixada consecutiva no que vai de mes
Encher un depósito medio de 55 litros custa agora máis de 92 euros no caso da gasolina e 91 euros se se enche con gasóleo
![](https://img-g24-crtvg.flumotion.com/prog24/2023/20231005/prezo-carburantes-2-051023.png)
O prezo da gasolina caeu un 2,3 % na última semana ata os 1,679 euros por litro de media, na que é a súa terceira baixada de prezo consecutiva e a primeira vez desde maio que ocorre isto, segundo os datos do Boletín Petroleiro da Unión Europea publicados este xoves.
Pola súa banda, o prezo do gasóleo vendíase en España a unha media de 1,656 euros por litro entre o 10 de outubro e o 16 de outubro nas máis de 11.400 estacións de servizo españolas, o que supón unha baixada do 1,5 % respecto á semana anterior e a segunda consecutiva no que vai de mes.
No último mes, a gasolina abaratou o seu prezo un 4,1 % e o gasóleo un 0,72 %. Con estes datos, a gasolina véndese a prezos que non se vían desde xullo do ano pasado e desde hai un mes no caso do gasóleo.
Deste xeito, encher un depósito medio de 55 litros custa agora máis de 92 euros no caso da gasolina e 91 euros se se enche con gasóleo.