A ministra de Igualdade clama contra o "día terrible" para España polos tres crimes machistas

A ministra de igualdade, Ana Redondo, expresou a súa consternación e clamou contra a violencia machista que este sábado, "nunha xornada terrible para a sociedade española en xeral", acabou coa vida de catro mulleres e dous fillos menores de idade en Andalucía e Castela-A Mancha.

Incidiu en que este día "negro" tamén é unha xornada para reflexionar e poñer todos os mecanismos para erradicar esta auténtica lacra que ten a sociedade española, antes de trasladar toda a solidariedade ás familias e achegados das mulleres e nenos asasinados.