A NASA presenta os seus novos traxes espaciais
A NASA presenta os seus novos traxes espaciais
Brancos, máis flexibles e con cámaras de alta definición
Máis flexibles e resistentes e de cor branca. Así serán os novos traxes espaciais que usará a tripulación Artemis III na superficie lunar.
O prototipo presentado este mércores amosa importantes melloras respecto aos usados no programa Apolo.
O traxe fabricado por Axiom Space conta cunha entrada posterior por onde ingresarán os tripulantes, así como un maior número de articulacións en pernas e brazos que outorgan unha maior flexibilidade respecto aos traxes usados hai 50 anos.
Con todo, non puido excluír un elemento inevitable para os astronautas que os vistan: os cueiros.
"Estes novos traxes teñen máis funcións e capacidades", dixo hoxe Vanessa Wyche, directora do Centro Espacial Johnson da NASA.
Melloras en botas, luvas e cámaras de alta definición
As luvas serán capaces de manexar unha maior variedade de ferramentas e con máis illamento. Tamén as botas estarán formadas por moitas capas.
O casco dispón dun set de luces e unha cámara de vídeo de alta definición, mentres que sobre as costas dos astronautas se situará o sistema de soporte vital onde se almacena o osíxeno.
A axencia espacial estadounidense planea lanzar en novembro de 2024 a Artemis II, unha misión que circunnavegará a lúa con tripulación.
