Atrasos e cancelacións no aeroporto de Alvedro pola néboa
Atrasos e cancelacións no aeroporto de Alvedro pola néboa
O avión da compañía Volotea procedente de Bilbao foi desviado a Asturias
Dous voos con orixe en Madrid, un de Air Europa e outro de Iberia, foron derivados a Santiago
A néboa obrigou a desviar a Asturias e a Santiago os tres primeiros voos da mañá deste luns no aeroporto de Alvedro, na Coruña.
Segundo informaron fontes de AENA, os bancos de néboa que afectan á primeira hora da mañá varias zonas de Galicia impediu que tomasen terra na terminal coruñesa tres voos.
O avión da compañía Volotea procedente de Bilbao foi desviado a Asturias, mentres que dous voos con orixe en Madrid —un de Air Europa e outro de Iberia— foron derivados a Santiago.
Nin a terminal compostelá nin a de Peinador rexistraron polo momento incidencias asociadas aos bancos de néboa que se reparten por Galicia.
A situación foi mellorando ao longo da mañá a medida que a néboa ía desaparecendo. O avión procedente de Málaga ás 10.30 puido aterrar con normalidade e Volotea enviou un avión baleiro dende Francia para que os pasaxeiros que voaban a Bilbao ás 12.30 puideran facelo. Aínda así, había enfado e sorpresa entres os viaxeiros.
As obras na pista do aeródromo coruñés seguirán durante polo menos un mes.
