A nova autovía entre Vigo e O Porriño, máis preto
A nova autovía entre Vigo e O Porriño, máis preto
Un túnel que evite as curvas e os tramos máis perigosos da A-55, a autovía con maior concentración de accidentes de Galicia
O proxecto da nova autovía que enlazará Vigo co Porriño avanza un paso máis. Antes do verán está previsto someter a información pública este proxecto.
A maior parte do trazado será un túnel, para salvar as partes máis conflitivas da actual A-55.
Un túnel que evite as curvas e os tramos máis perigosos da A-55, a autovía con maior concentración de accidentes de Galicia. É o proxecto en que traballa o Goberno.
O túnel, cunha lonxitude de 4,2 quilómetros, contará cun orzamento duns 300 millóns de euros. Comezaría á altura do seminario da avenida de Madrid en Vigo ata o enlace coa A-52.
O alcalde de Vigo mantivo unha reunión co director xeral de Estradas en que lle avanzou que xa están rematando o proxecto para sometelo a información pública a mediados de 2023. As demandas de mellora para esta vía véñense repetindo dende hai anos.
O Ministerio de Transportes tamén se comprometeu a humanizar a autoestrada AP-9 ao seu paso por Vigo evitando os ruídos, e tamén se estende o convenio para humanizar a avenida de Madrid.
