A nova ABAU xera dúbidas e incertezas entre profesores e estudantes

A selectividade pasou a chamarse PAU coa LOE e transformouse en ABAU coa LOMCE. Máis alá do cambio de nome, a última lei educativa tamén vai introducir novidades nas probas de acceso á universidade, novidades que provocan incertezas entre os futuros examinados.

Aos que cursan bacharelato a futura nova ABAU non lles quita o sono porque o modelo de exames actual vaise manter este curso e apenas se tocará no seguinte. Os cambios serán graduais e dirixiranse cara unha proba máis competencial e menos memorística.

"Senten medo. Pregúntanse se será máis doado, se será máis difícil, que terán que facer. Non teñen un exemplo, un espello no que mirar porque vai ser algo novo", explica Juan Bouzas, director dunha academia na Coruña.

A nova ABAU aínda precisa concreción e consenso.