A Organización Mundial da Saúde alerta do aumento do acoso escolar en toda Europa

Un informe elaborado pola Organización Mundial da Saúde alerta dun aumento do acoso escolar en toda Europa. Desde o 2018, a porcentaxe de alumnado vítima de bullying aumentou do 12 % ao 15 %, e a proporción de alumnas que sufriron este problema subiu do 13 % ao 16 %.

A pesar de que en España tamén incrementou, mantense á cola de Europa: un 10,6 % do alumnado de entre 11 e 15 anos recoñece que sufriu ciberacoso. A OMS considera urxente tomar medidas para garantir a seguridade no espazo dixital.

Desde o 8 de xaneiro, o uso do teléfono móbil está prohibido nos centros educativos galegos na totalidade da xornada escolar.

Segundo o último informe PISA, o 8,5 % do alumnado galego de entre 15 e 16 anos foi vítima de acoso, un índice que sitúa a Galicia como a terceira comunidade con maior número de casos, despois das Canarias e Cataluña.