Este sábado melloran as condicións de traballo e retributivas dos traballadores do Sergas
Este sábado melloran as condicións de traballo e retributivas dos traballadores do Sergas
As gardas de domingos e en días festivos, o plus de festividade sobe un 16 por cento, pero o importe completo non se aboará ata xaneiro
Aos 43.000 traballadores do Sergas váiselles reducir neste 2023 a súa xornada en 21 horas. Continuará a redución no 24 e no 25, cando xa terán a xornada de 35 horas semanais. Coa chegada do mes de xullo, auméntaselles a retribución polas gardas, case un oito por cento nos días laborables.
As gardas de domingos e en días festivos, o plus de festividade sobe un 16 por cento, pero o importe completo non se aboará ata xaneiro do 2024. Desta forma, segundo a Consellería de Sanidade, os salarios dos traballadores do Sergas en atención continuada e en gardas estará por riba do resto de comunidades autónomas.
Outra medida pretende incentivar os médicos para que fagan gardas. Cobrarán máis, 37 euros a hora se fan cinco ou máis gardas ao mes. Esta medida entrará en vigor en xaneiro do ano que vén.
