A peregrinación Iacobus Maris entrou este martes en augas galegas
A peregrinación Iacobus Maris entrou este martes en augas galegas
O intercambio cultural a bordo destes barcos é igual ca en calquera outra ruta xacobea
Os barcos da peregrinación Iacobus Maris están xa ao abrigo da ría de Pontevedra. Por diante quédanlles aínda dúas xornadas de convivencia a bordo.
No mar o intercambio cultural é tan intenso como en calquera outro Camiño de Santiago. O Camiño Xacobeo por mar da Iacobus Maris tamén permite que xente de diferentes culturas comparta camarotes, tarefas domésticas, gardas e traballos de navegación.
Na goleta onde embarcou o equipo da Galega, a Atyla, viaxan 15 estudantes de todo o mundo, bolseiros do programa Compostela, que están a vivir esa enriquecedora experiencia mentres peregrinan a Santiago.
Tamén fixeron intercambio de tripulantes os militares dos barcos das armadas francesa e española.
O mércores navegarán todos os barcos participantes de Sanxenxo ata as Illas Cíes, na penúltima etapa desta singular peregrinación.
