A Plataforma en Defensa do Transporte anunciará este luns se volve á folga
A Plataforma en Defensa do Transporte anunciará este luns se volve á folga
Considera "insuficientes" as medidas postas en marcha polo Goberno
Asegura que o sector está a pasar por unha "difícil situación"
Denuncia o incumprimento da lei que prohibe traballar a perdas no sector
Nas asembleas provinciais da Plataforma Nacional en Defensa do Transporte votaron durante esta fin de semana se queren ou non volver á folga.
Desde esta plataforma, que integra autónomos e pequenas empresas de transportistas, consideran "insuficientes" as medidas postas en marcha polo Goberno e aseguran que o sector está a pasar por unha "difícil situación".
"Nós agora estamos entre o 30 e o 60% por debaixo de custos", asegura Julio Zapico, delegado da Plataforma Nacional para a Defensa do Transporte en Asturias.
"Non se penaliza a quen non cumpre o decreto lei, pois estamos cada vez peor, o transporte está agonizando", di María José Sánchez, delegada da Plataforma en Defensa do Transporte en Almería.
Desde esta organización e desde as asociacións de transportistas de mercadorías por estrada denuncian o incumprimento da lei que prohibe traballar a perdas no sector por parte das empresas cargadoras e operadores loxísticos.
"Saíu unha lei a raíz da folga de marzo que obriga os cargadores (clientes dos transportistas) e operadores loxísticos a repercutir e a pagar a suba de custos, a suba dos carburantes. Para aquelas empresas que non cumpran o Goberno ten que facer os seus deberes e hai unha norma que obriga a inspeccionar e sancionar estas empresas que non cumpran", di Myriam Otero, secretaria xeral de Apetamcor.
A Plataforma en Defensa do Transporte anunciará este luns os resultados das votacións e se finalmente volve paralizar o sector.
![](https://img-g24-crtvg.flumotion.com/prog24/2022/20221106/MOBILIZACIONSTRANSPORTISTAS_frame_3468.png)