A Policía de Vigo pide axuda para localizar a quen abandonou dous cachorros feridos

A Policía Local de Vigo fixo un chamamento á colaboración cidadá para localizar á persoa que abandonou na zona de Cabral a dous cachorros de can de raza american pitbull, un macho e unha femia duns 4 meses, tras causarlles graves lesións.

Os feitos ocorreron o pasado 2 de outubro, cando un veciño atopou nunha pista forestal preto do barrio do Gorxal dous cachorros que non tiñan microchips e que presentaban graves feridas por golpes na cabeza con algún obxecto contundente.

Axentes da Unidade Medio Ambiental da Policía Local trasladaron os animais a un centro veterinario, pero a cadela non puido superar as feridas e acabou falecendo. Mentres, o macho segue recuperándose e presenta feridas na cabeza, ademais de ter as orellas cortadas, posiblemente cunhas tesoiras e outro obxecto cortante non profesional.

A Policía pediu colaboración aos cidadáns para localizar ao responsable de "este acto desprezable e inhumano" e esclarecer os feitos, e garante a confidencialidade a quen achegue algunha información. As persoas que poidan facilitar algún dato deben poñerse en contacto coa Unidade Medio Ambiental, UMIR, nos teléfonos 986 81 01 01 ou 699 047 596.