A policía realiza unha operación que afecta a Coalición por Melilla e detén o seu líder, Mustafá Arbechán
A policía realiza unha operación que afecta a Coalición por Melilla e detén o seu líder, Mustafá Arbechán
A policía realiza unha operación que afecta a Coalición por Melilla e detén o seu líder, Mustafá Arbechán
Trátase da operación Santiago-Rusadir, desenvolvida baixo a dirección do Xulgado de Primeira Instancia e Instrución número 2 de Melilla, que decretou o segredo das actuacións
![](https://img-g24-crtvg.flumotion.com/prog24/2023/20230928/COCHEPOLICIA.png)
A Policía Nacional realizou este martes unha operación que afecta a formación política Coalición por Melilla e deixa seis detidos, así como sete entradas e rexistros na cidade autónoma, segundo informaron fontes policiais.
Trátase da operación Santiago-Rusadir, desenvolvida baixo a dirección do Xulgado de Primeira Instancia e Instrución número 2 de Melilla, que decretou o segredo das actuacións. Os delitos investigados son pertenza a organización ou grupo criminal, fraudes na contratación pública, prevaricación administrativa, tráfico de influencias, falsidade documental e malversación de fondos públicos, segundo informan fontes policiais.
Un dos seis detidos pola Policía Nacional na operación que se está desenvolvendo desde primeira hora deste martes en Melilla é o líder de Coalición por Melilla, Mustafá Arbechán. Fontes da investigación informaron a EFE de que un dos arrestados é Arbechán e que a operación tamén se está levando a cabo en Granada.
Fontes da investigación consultadas por Europa Press engadiron que o operativo policial afecta o partido Coalición por Melilla, liderado por Mustafá Aberchán, a mesma formación investigada pola presunta compra de votos por correo nas eleccións municipais de 2023.
Coalición por Melilla formou parte do Goberno de Melilla, presidido por Eduardo Castro en coalición co PSOE desde abril do 2021 a maio de 2023.