A presión veciñal desocupa unha vivenda en Vigo
A presión veciñal desocupa unha vivenda en Vigo
A propietaria tapiou fiestras e portas nun descoido dos ocupantes
Máis de dez anos convivindo na rúa Xílgaro de Vigo con ocupantes ilegais que vendían droga. Tiñan unha media de douscentos clientes ao día. Os roubos, as liortas, a sucidade, a entrada nas vivendas foi unha constante nese tempo. Unha das veciñas, Cristal chegou a ser ameazada a punta de pistola e tivo que irse da vivenda porque o fillo xa non era quen de durmir alí.
Pelexaron de todos os xeitos posibles: a propietaria denunciou en múltiples ocasións, alertaron á policía, ao concello e aos medios de comunicación e controlaron tamén o movemento dos ocupantes ilegais.
A presión e que algún deles estaba en busca e captura fixo que algúns dos ocupantes fosen deixando a vivenda, e nun despiste a propietaria tapiou portas e fiestras. Xa non irá vivir alí, pretende vender a vivenda e esquecer, o mesmo que Cristal pero agora poderán vender a vivenda nun barrio sen esta problemática.
