A pretemporada do Centenario do Celta, en directo na G2

Agora que xa ten camisola e hai novo himno...  Agora que xa ten a bendición do papa... e hai novo museo... Agora que renovou a Kevin e atou a Carles Pérez, agora, agora é o momento de comezar a falar de fútbol. E o fútbol deste Celta de Benítez arranca desde a defensa e o balón parado...

Porque Benítez xa lles explicou que as penurias da pasada campaña viñeron pola cantidade de goles recibidos, principal problema que detectou no Celta. 

Este domingo parten cara ao Algarve, coa afección pendente tamén das novas incorporacións e saídas, sen perder de vista as obras do cambio de céspede e preguntándose ata cando van ter que seguir os adestramentos do ilusionante Celta do Centenario desde detrás dun valado e adiviñando entre as follas.