A Ribeira Sacra, ante o último chanzo para ser Patrimonio da Humanidade

Hai moita esperanza. Pode que no 2026 nos vexamos celebrando o quinto Patrimonio da Humanidade de Galicia, a Paisaxe Cultural da Auga da Ribeira Sacra. Queda un último paso. En febreiro toca presentarlle a candidatura definitiva á Unesco en París. Avaliarán autenticidade, integridade e significado universal. E a Ribeira Sacra ofrece milleiros de anos de poboamento, de construción dun territorio esculpido no tempo, na auga e na súa xente.