A segunda vida dos pazos galegos: moitas familias deciden alugalos para organizar eventos ou vodas
A segunda vida dos pazos galegos: moitas familias deciden alugalos para organizar eventos ou vodas
Foron e seguen sendo construcións emblemáticas con séculos de historia
Os pazos son, en moitos casos, unha herdanza patrimonial e cultural difícil de manter
Son auténticas xoias patrimoniais moi difíciles de manter. Por iso moitos herdeiros deciden alugalas ou vendelas.
O Pazo de Cea, do século XVI, tras a súa venda someteuse a unha profunda reconstrución no ano 2010. Dende hai doce anos a súa principal fonte de ingresos son as celebracións.
Moitos deles estaban en estado ruinoso. O Pazo Señorans, situado no corazón das Rías Baixas, mercouse en 1979 e a súa reconstrución durou máis de vinte anos.
Primeiro puxeron en funcionamento a adega e despois o pazo. Agora son dous negocios completamente independentes. O difícil non foi reconstruír, o difícil é manter en boas condicións estes lugares que se sustentan sobre todo coas vodas.
Tanto os exteriores coma os interiores son auténticos patrimonios arquitectónicos, culturais e naturais, que na maioría dos casos só poden subsistir como negocio para non perder a súa esencia e historia.
