Realeza e altos cargos do PP coinciden na voda de Martínez-Almeida e Teresa Urquijo
Realeza e altos cargos do PP coinciden na voda de Martínez-Almeida e Teresa Urquijo
Xoán Carlos I e as súas fillas, Helena e Cristina, asistiron ao enlace
Tamén foron Alberto Núñez Feijóo e Alfonso Rueda
A voda de Teresa Urquijo e José Luis Martínez-Almeida foi algo máis ca un evento social. Non era dos enlaces máis agardados do ano, pero o enlace do alcalde Madrid xuntou este sábado na capital de España ducias de políticos e representantes da aristocracia española.
Un dos que espertou máis expectación mediática foi o rei emérito Xoán Carlos I, así como as infantas Helena e Cristina.
Acudiron tamén expresidentes do Goberno, como José María Aznar, presidentes autonómicos, entre eles Alfonso Rueda, o lider do PP, Alberto Núñez Feijóo e outros dirixentes do partido.
A cerimonia relixiosa tivo como escenario a igrexa de San Francisco de Borja e o convite na finca do Canto da Cruz, da familia da noiva.
